PROGRAMA 
E INSCRIPCIONES

Cociña de compromiso coas comunidades indíxenas

Mellor cociñeira de América Latina 2024 por Latin America’s 50 Best Restaurants. Unha das fundadoras de Sabores Silvestres, unha iniciativa de varios cociñeiros para promover a accesibilidade a ingredientes da Amazonia boliviana e a cociña local, así como a sustentabilidade das comunidades tradicionais. Nada en Bulgaria e filla de pai palestino e nai boliviana, Taha, de 36 anos, viviu a súa infancia en Bolivia e converteuse nunha celebridade da escena culinaria rexional ao asumir en 2013 o mando da cociña do Gustu, na que estivo durante 10 anos. Actualmente, figura na posición 23 na lista dos mellores restaurantes latinoamericanos.

A cociña galega que vén: aposta polo rural

A experiencia adquirida por Fernando Rodríguez no restaurante Bido (A Coruña), permitiulle abrir O Secadeiro, xunto coa súa parella Eva M. Guzmán, na pequena aldea de Outes na ría de Noia. Un formato de negocio de mínima expresión, que ofrece unha cociña en base a produtos autóctonos, algúns en vías de desaparición.

Cociñar con valores

Ricard Camarena elabora unha cociña que evoluciona cada día. Cambia, adáptase e traballa cos recursos que ofrecen a horta e o mar. Unha cociña persoal, sinxela en aparencia, pero complicada na súa elaboración. Na súa elegante proposta gastronómica empréganse técnicas innovadoras que non ven, pero percíbense no padal. A cociña de Ricard Camarena está comprometida co territorio e coa tradición, salpicada de influencias cosmopolitas. É unha proposta esencial, aceda, fresca e moi respectuosa co produto.

Aürt naceu en 2019 e está situado no lobby do Hotel Hilton Diagonal Mar de Barcelona. A frase de Artur Martínez "prefiro a sinxeleza reflexionada á complexidade forzada" resume a súa ideoloxía. Cunha técnica eficaz e usando os mínimos ingredientes, elabora unha cociña natural e moi clara, fuxindo do tópico e o malabarismo. Artur volve a interpretar conceptos tradicionais con técnicas actuais e elabora pratos sinxelos e espidos que viran ao redor dos produtos de tempada.

Co apoio de Catalunya Regió Mundial da Gastronomia